“Employee Journey & Experience” arloko gaikuntza ETEentzat

Bizkaiko ETEentzako gaikuntza-programa bat diseinatzea talentuaren kudeaketan duten estrategiaren barruan beren “Employee Journey & Experience” lantzeko ezagutza eta tresna teoriko-praktikoak eskura ditzaten.

Prestakuntza-programaren helburuak:

• “Employee Journey & Experience”-ri buruzko esparru teoriko komuna eskaintzea.
• Kontzeptu hori osatzen duten etapen ikuspegi orokorra eta ETEan ezarri aurreko oinarrizko ideiak ezagutaraztea (aholkuak, adibideak, funtsezko alderdiak).

5 asteko programa hibridoa, Bizkaiko 25 enpresa txiki eta ertainentzako esperientzia murgiltzaile eta eraginkorra eskaintzeko diseinatua. Programa horren prestakuntza-ibilbidea 4 jarduera nagusitan banatuta dago:

• Tailerra: langilearen ibilbidearen funtsezko etapak aztertzeko saioa
• Ikaskuntza-pilulak: ibilbidearen etapak praktikan eta sarrera gisara ulertzeko tresnak eta metodoak.
• Talks: estrategia berritzaileak ezarri dituzten enpresen kasu arrakastatsuen berri jasotzeko elkarrizketa-guneak.
• Atzerabegirakoa: ikasitako ikasgaiei eta egin beharreko hurrengo urratsei buruzko gogoeta estrategikorako gunea.