Talent Strategy & Employer Branding

Prestakuntza-ibilbide inkremental bat diseinatzea eta abiatzea, Bizkaiko erakundeen gaikuntzan oinarritua, talentua erakartzearekin, atxikitzearekin eta fidelizatzearekin lotutako ekintzak estrategikoki lideratzeko.

Banakako diagnostikoaren ondoren, bi ibilbide egongo dira:

• "Diseinatu" ibilbidea: hastapen-mailan dauden eta talentua erakartzeko eta atxikitzeko estrategia kontziente eta koherentea diseinatu nahi duten enpresei begirakoa.
• "Lerrokatu" ibilbidea: maila aurreratua duten eta, talentua erakartzen eta fidelizatzen jarraitzeko, beren balio-proposamena berrikusi behar duten enpresei zuzendua.

Bizkaiko 30 enpresarentzako programa da; enpresok giza baliabideetako sail finkatua dute eta, gainera, talentu-estrategiarekin eta enpresak kalitatezko enplegatzaile gisa duen posizionamenduarekin lotutako hausnarketa egiten edo ekintzak abiatzen ari dira.